ხანდაზმულთა საერთაშორისო დღესთან დაკავშირებით, დმანისის მუნიციპალიტეტის მერიამ, საკრებულომ და „სათნოების სახლმა“ საჩუქრები გადასცეს „მხარდაჭერის სახლის“ დმანისის ფილიალის შინმოვლის პროგრამის ბენეფიციარებს.
ასეთი ყურადღება და თანადგომა განსაკუთრებით მნიშვნელოვანია ჩვენი ხანდაზმულებისთვის — ადამიანებისთვის, რომელთა გამოცდილება, სიბრძნე და ცხოვრებისეული გზა ჩვენი საზოგადოების ფასდაუდებელი ნაწილია.
გვჯერა, რომ ზრუნვა მხოლოდ ერთი დღე არ არის — ის ყოველდღიური ყურადღება, პატივისცემა და ადამიანური სითბოა, რომელიც თითოეულ ადამიანს აგრძნობინებს, რომ ის მნიშვნელოვანია.
მადლობა ყველას, ვინც ხანდაზმულთა კეთილდღეობაზე ზრუნავს და მათ ყოველდღიურობას სიხარულსა და სითბოს მატებს!
