ციფრული სისტემის დანერგვის ფარგლებში, მორიგი ტრენინგი ჩატარდა „მხარდაჭერის სახლის“ დმანისის ფილიალში. მონაწილეებმა განიხილეს ციფრული სისტემის დანერგვასთან დაკავშირებული საკითხები და მისი პრაქტიკული გამოყენების შესაძლებლობები.
გაციფრულება მნიშვნელოვნად შეუწყობს ხელს ინფორმაციის დროულ და ზუსტ დამუშავებას, საჭირო მონაცემებზე ხელმისაწვდომობას, სამუშაო პროცესების ეფექტიან მართვას და ადმინისტრაციული დატვირთვის შემცირებას.
ეს ეტაპი კიდევ ერთი წინგადადგმული ნაბიჯია შინმოვლის მომსახურების განვითარებაში. ჩვენი მიზანია, თანამედროვე ტექნოლოგიების დახმარებით კიდევ უფრო გავაუმჯობესოთ მომსახურების ხარისხი და ადამიანზე ორიენტირებული ზრუნვა.
